張敬軒前晚被個唱嘉賓陳奕迅（Eason）笑他來自四川，因他沒見過有人的黑眼圈比他還嚴重，與四川的熊貓差不多。Eason又自爆因字形相近，故愛叫軒仔做「奸仔」。另一嘉賓鄧健泓自稱是軒仔fans，並跪地在T恤上簽名送給觀眾，無綫高層陳志雲則在台下支持他。
張敬軒前晚在紅館舉行第二場「酷愛張敬軒演唱會」，請來王菀之、鄧健泓及陳奕迅任嘉賓。謝安琪之前送花籃賀軒仔個唱，上面寫着「點解唔請我做嘉賓？」前晚她去捧場，軒仔便特地請她上台，謝安琪甫上台就搞爛gag，軒仔謂在首場唱《鍾無艷》時有蝦碌，謝安琪則說：「咁有冇茄汁呀！」惹得全場大笑，然後二人再合唱該曲，軒仔還是有少許甩嘴。
志雲撐鄧健泓
前晚鄧健泓擔任嘉賓，無綫總經理陳志雲特來捧場。鄧健泓自稱是軒仔fans，特別穿上他在場外購買的T恤及帶着軒仔首張唱片上台，並即席要軒仔在一件T恤上簽名送給觀眾。
當軒仔要求鄧健泓一起簽名時，他即跪在地上舉腳簽名，軒仔笑說：「喺TVB工作果然係唔同啲。」又趁機幫鄧健泓宣傳稍後推出的新碟，二人擁抱時，鄧健泓卻撞到軒仔的盆骨，令他痛得大叫一聲。
後來Eason出場與軒仔合唱《幸福摩天輪》，掀起全場高潮，觀眾歡呼聲雷動，Eason取笑軒仔謂：「我想問你係咪真係廣州人？」軒仔一臉茫然，Eason說：「我覺得你似四川嚟，四川啲熊貓對眼好似你咁，雖然你搽咗『啫瑕膏』，我近睇都見到你對眼圈。」軒仔笑說：「係遮瑕膏，唔係啫瑕膏。」
Eason笑言愛叫軒仔做「奸仔」，又大讚他唱歌好，並爆軒仔首場個唱後與他通電話，覺得自己表現不夠完美，耿耿於懷，二人談天到半夜才收線。
Donald拍拖睇騷
此外，組合Krusty的阿Jan及Iloveyouboyz的Donald最近傳緋聞，二人前晚不避嫌拍拖同欣賞軒仔個唱，小儀、崔建邦及胡定欣等都有捧場。
撰文：丁寧
