美元回落，油價金價反彈，美國聯儲局主席伯南克話經濟上半年會收縮，仲暗示繼續減息，美元即刻俾人質，不過低位有支持，睇嚟美元短線走勢仲會好反覆，大家要睇實美元，因為美元趨勢係基金經理好重視嘅投資考慮，踏入第2季，基金經理會重新調配資產組合，睇實美元有着數。
花旗股市過去兩日冇乜大變，港股嘅氣勢就好勁，美中不足係成交奀咗啲，不過呢個禮拜仲有機會炒高啲，地產股要留意，「六行三保」亦未升完，係炒賣嘅焦點。
聯想C輪1773：聯想（992）上周四收5.25元，升返回條250日線樓上，短線有機上試5.85元，破位睇6.2元，可以買啲C輪1773短炒，上周四收96仙，槓桿5.4倍（有效3.1倍）。
正股升上5.85元同6.2元，1773可見1.33元同1.57元，正股跌穿4.85元，隻輪沽出止蝕。