陳小春昨日到新城接受訪問，一副冧樣的他被記者取笑不應該再唱苦情歌，他即笑說：「喺年年各大頒獎禮埋單都係慢歌，通常都見唔到開心嘅慢歌，我都唔係刻意唱苦情歌，只係公司要我唱。」
對於女友應采兒潑冷水指他不是真正的歌手，只是一個識唱歌的演員，小春就說：「我上次喺《勁歌》因為第一次唱，自己都認咗錯，使唔使跪玻璃？不過我就唔認同佢嘅講法。」
不過當問到會否質問應采兒時，小春即語無倫次說：「關你乜事，我哋屋企嘅事，我陳家不嬲都唔講禮儀事，阿丁（應采兒的暱稱），唔係，我會好好同佢傾。」
拒談栢芝失常
此外，對於被內地網民批評穿上軍服卻表現不莊重，小春強調已為事件發道歉聲明。至於張栢芝被指失常，小春表示自己不是發言機，而且清官難審家庭事，他不便評論。
採訪、攝影：駱華齡