到菲律賓除有享受不盡的陽光外，袁文傑力sell當地出產的有機食物及享負盛名的貓屎咖啡豆。顧名思義，咖啡豆的確是由貓糞中撿出來，傑仔更親自於混在泥內的貓糞中不停尋找，對於雙手沾滿泥和「金」，傑仔笑言不重要，只期待一杯齒頰留香的貓屎咖啡。
袁文傑近年驛馬星動，不時隨亞視攝製隊出埠拍攝，早前則與黃麗梅到菲律賓為下周日推出的節目《越食越有機》取景，除四出尋找有機食物外，也乘機親近大自然。
落田種植香草
由於傑仔今次旅程是尋找有機食物，故有機會落田耕種蔬菜及香草，一過「鄉下仔」之癮，他說：「始終香港太多高樓大廈，出街好有壓迫感，但去到菲律賓四圍比較空曠，去到位於Tagaytay嘅GourmetFarm就可以接觸大片青葱田園，抬頭又係一片藍天，吸啖空氣都香啲，人都精神啲。住慣城巿，做吓鄉下仔我一啲都唔抗拒，耐唔耐一次好得意，經常就未必會習慣。」
傑仔又到了Mt.Malarayat山區的泥地尋找名貴貓屎咖啡豆，他說：「麝香貓食咗一種當地特產嘅咖啡果實，然後經過佢肚裏面分解，喺屙番出嚟嘅糞便當中有果核，曬亁再烘製成咖啡豆，有種獨特嘅天然甘香，之後大家就叫佢做貓屎咖啡，因為產量唔多，所以特別貴，每kg要差唔多1500港元。」傑仔有幸在咖啡加工場嘆過一杯靚咖啡後，大讚貓屎咖啡味道濃烈甘香。
療養中心揼骨
非常注重飲食健康的傑仔，平日也愛吃有機食物，他說：「食落肚嘅嘢，可以揀梗係要揀精啲。」他又抽空入住在LipaCity的TheFarmatSanBenito有機療養中心，他說：「中心好似一間度假村咁，除咗可以享用早午晚三餐嘅有機食品，仲可以做按摩，我係『骨精』，按得舒服，成個人真係有爽晒嘅感覺。」傑仔親自試過當地的古法穴位按摩，事後對按摩師的技術讚不絕口。
撰文：比華利
