楊采妮和關心妍昨日到銅鑼灣出席商台節目「發式早餐」宣傳活動，兩人即場炮製早餐給主持人余宜發，還與現場觀眾大玩遊戲，楊采妮更發揮幽默本色，笑言即場弄三文治時，有如任職百貨公司的推銷員，十分搞笑。
有潛質又後生
談到要與英皇打合約官司的梁洛施（Isabella），楊采妮說：「我有睇報紙，我覺得每個藝人同經理人個約都有分別，我知好多新人都係簽十年，因為公司可以放多啲資源栽培，我覺得Isabella好有前途，又後生，外形同拍戲都好大潛質，所以好多人會願意投資喺佢身上，希望今次件事快啲了結。」
此外，自言一向有下廚的關心妍，表示曾試過弄早餐給男友品嚐，但問是否因為與男友同居才弄早餐，她即否認說：「係去佢屋企整，𠵱家都市人都唔會咁早起身，不過女仔識煮嘢食係可以加分。」
採訪、攝影：CamelLok