葉翠翠、高鈞賢噚日喺東港城擔任「親親寶寶大本營」活動嘅評判，翠翠表示將來只會生一個細路，因為佢之前喺英國讀書為咗慳住宿費做過保母，喺同一時間要湊七個細路，令佢覺得生一個已經夠晒數。此外，翠翠留學期間除咗湊細路，仲要負責煮飯，於是記者向高鈞賢推介翠翠係一個好老婆，不過佢話希望將來生一仔一女，所以呢方面同翠翠唔係咁夾。