台灣女星蕭薔前日喺昆明同孫興，及國內演員嚴寬同霍思燕等人，出席電視劇《最後的格格》嘅宣傳活動，着住桃紅色低胸裝嘅佢，既豔麗又性感。蕭薔被當地傳媒話佢上圍好似縮咗水，惹人議論紛紛，但係蕭美人當聽唔到一於少理。 有傳劉德華將會開新戲飾演台灣候任總統馬英九，而蕭薔就做馬夫人，蕭薔話目前公司正在接洽，而佢自己就正在考慮之中。