李克勤、劉美君及賈曉晨（JJ）等昨日在大埔出席「全港同心迎奧運之綠色奧運在大埔」活動，吳雨霏因病缺席。當克勤獻唱時，大會同時播了兩首音樂，起初克勤繼續唱，怎料唱至一半未見改善，他便要求重唱。
劉美君母抽筋入院
奧運期間，克勤將遠赴北京主持無綫節目，他說：「無綫好想我去，但我個仔又唔想我去，𠵱家同無綫傾緊兩全其美嘅方法。上次做完演唱會後，個仔冇見我幾日，就當我陌生人，我花咗一個禮拜先令佢認得我，所以我希望盡量留港陪佢成長。」
至於忙於綵排演唱會的劉美君，因排練過度致聲沙，昨日她咪嘴演出，她說：「綵排時我邊跳邊唱，啲舞蹈員大讚我好堅，我就更興奮去唱，點知傷咗聲帶。」日前居於三藩市的劉媽媽因抽筋入院，幸沒有大礙，能如期來港欣賞演唱會，問到仔女會否同行？劉美君說：「最細嗰個唔嚟，因為擔心流感。」
採訪：馬建華
攝影：仇志德