十幾年前，豐田Previa帶起七人車熱潮，子彈大霸王無人不識，近年改名為Alphard車系後，狂玩豪華裝備，一樣大把明星爭住當保母車，繼續Keep住七人車王地位。新一款Alphard350五、六月到港，由於改咗款兼力Sell內櫳豪華感，肯定又係大賣，引得水貨車行不惜預告話有車，至於行貨反應梗要快啦，兩邊鬥收客人訂金，一於睇吓邊個快啲有車！近日皇冠車行更發出聲明，話豐田全港得佢一間代理，其他水貨廣告相片不盡不實，更指某啲配備未符合香港法例，唔好盡信云云！從此足證Alphard350的確為行、水所虎視眈眈，𠵱家行貨有埋定價（超級豪華版$535,000），有興趣不妨打去皇冠問吓。
記者：徐影龍
查詢：皇冠灣仔陳列室（28661020）