三色公仔箱嘅「數字小姐」，係人都怕咗佢，但凡同佢合作過嘅同事，都聞名色變，因為佢一向管住啲藝員，事無大小都關佢事，簡直係操生殺大權，如果有啲搵錢嘢一定關佢事，話說老闆「長壽公公」嘅契女「綠山」有間削肉公司，想搵當紅花旦「杏仁茶」做人辦拍廣告，本來傾到價錢同條件都講好晒，仲差動筆簽約，大家約好咗第二日去簽約，不過數字小姐突然打電話畀綠山，一句唔拍得，就冇簽合約，至於點解唔拍得，佢就冇同綠山交代，搞到綠山好㷫。其實類似嘅事原來唔止發生過一次，佢乜人都冇面畀，想唔到連長壽公公嘅契女都一視同仁，佢最鍾意臨門一腳玩縮沙，大家要同佢傾合作就要小心啲！
Textby關仁