梁洛施與經理人公司英皇娛樂關係破裂對簿公堂一事，在娛樂圈引起不少迴響，大家均十分關注此事。
鄧穎芝：我覺得佢（Isabella）有少少忘本，要走應該令大家都舒服，可以唔使搞到咁大件事，做藝人係要捱吓至會成功。
何韻詩：藝人同經理人必然會有好多紛爭，藝人有自己想法同想做嘅事，我個人會選可以畀我話事嘅經理人至簽，我明白點解會出現呢種情況，冇話邊個啱唔啱，意氣用事好難解決問題，打官司傷和氣又傷荷包。
鄧麗欣：我未入行前已經識Isabella，當時我哋簽同一間模特兒公司，但近年我哋經已冇見面。其實簽合約非常重要，當年我18歲簽金牌，都搵咗大人同律師睇清楚細則先動筆。
方力申：合約真係好重要，用嚟保障雙方面，簽約時要睇清楚，但入行時好多嘢都唔識，經過呢件事，希望年輕一代緊張自己份合約，早啲了解清楚就唔使打官司。
梁雨恩：如果同公司唔夾，我諗一定有方法可以解決，我會盡量同公司傾，盡可能都唔涉及官司，所謂生不入官門。
陳柏宇：如果雙方真係夾唔嚟，就唔應該拖泥帶水，但又未必去到解約嘅地步，但一定會搵解決方法。
