張敬軒昨晚首次在紅館舉行「aigomusic酷愛張敬軒演唱會」，全場爆滿，獲容祖兒、方力申、鄧麗欣、洪卓立及周柏豪等往捧場。約8時45分，軒仔身穿紅色閃閃西裝及頭戴黑色紳士帽出場，獻唱《迷失表參道》。
拒上香只切燒豬
唱完兩首歌後，軒仔說：「大家好，畀兩秒我呼吸吓呢度嘅空氣，我諗咗好多晚，企喺紅館第一句話要講乜嘢，應該係呢句『多謝大家！』」接着向觀眾作90度鞠躬，然後他續說：「多謝有買我嘅碟或者冇買嘅觀眾入嚟睇我，我舊年做過唔少人嘉賓，成日諗個台幾時屬於我，在座各位成就我夢想。」接着軒仔叫全場觀眾亮起手中電筒，他說：「好靚，今晚我帶晒啲仔女（指歌曲）嚟，冇分靚定醜，所有都係我心血。」
此外，開騷前頭戴cap帽和眼鏡的軒仔約6時半在後台拜神，由於他是基督徒，故未有親身上香，只是切燒豬，預祝個唱順利。現場有fans向軒仔大叫：「Goodshow！」他聞言即舉起V手勢及舉起手指公，信心十足。而軒仔契姐胡蓓蔚和老公單立文到後台為他打氣，另外崔建邦駕車送了一名無綫女工作人員到場後便離開。張學友和謝安琪則分別送上花籃，其中謝安琪的花籃寫着「點解唔請我做嘉賓？」十分搞笑。
採訪：胡比
攝影：陳偉權
