人蔘國嘅當紅男歌手Sunny，由於佢已經衝出亞洲，喺全世界都有啲知名度，所以就當正自己係國際巨星，早排佢應某大時裝品牌邀請，去鬥牛國做新舖嘅剪綵嘉賓，佢一行10個人鬼咁誇張，合約入面仲有好多附帶要求，時裝老闆都一一滿足佢。
要求提早開門
點知Sunny哥喺做完主禮嘉賓嗰晚，凌晨4點突然師傅到，要聽音樂，但佢隨身帶住嗰部MP3唔見咗，佢夠膽死打電話搵老細，叫人哋搵間音響舖，等佢買過一部新嘅，咁人哋同佢講，呢個鐘數舖頭都閂晒門啦，勸佢朝早先買啦！但佢堅持叫人可唔可以破例提早開門畀佢，嗰邊啲工作人員俾佢搞咗成晚，但都搵唔到舖頭肯開門畀佢買嘢，佢老哥仲唔該都冇句，你話係咪抵人哋嬲佢，兼且講明永不錄用佢㖭呀！
Textby關仁
