鄧麗欣（Stephy）、吳雨霏（Kary）、方力申、小肥與RubberBand昨日現身文化中心露天廣場，為「青年音樂節」擔任表演嘉賓。抱病出席的Kary一見記者即透露她抱恙在身，行路時腳步浮浮，連日來已先後睇了兩次西醫及一次中醫。
趕錄歌出碟
問到為何不告假休息？Kary說：「我唔敢，嚟緊下個月出碟，仲要趕住錄埋幾首歌，我寧願快啲做晒工作先休息。」在聽取醫生意見後，Kary這數天也只是食粥水，她笑言自己抱着奧運精神，憑意志完成手頭工作。
此外，Stephy提到緋聞男友兼拍檔小方將於年底約滿，即表示有聽聞此事，但就沒有與小方談及續約事情，她說：「我哋冇提過約滿件事，但係我相信續約應該冇乜問題。」Stephy大讚公司上下相處融洽，感覺似一家人。
採訪：馬建華
攝影：陳偉權