尊尼偶像組合「瀧與翼」成員瀧澤秀明，近日忙於演出舞台劇《瀧澤演舞城2008》。舞台劇前日邀請傳媒探班，瀧仔喺舞台上嘅血腥半裸造型同白面女裝look亦曝光。已經連續三年演出呢套舞台劇嘅瀧仔，擔心觀眾會睇到厭，所以今年加插咗唔少新內容，並會更落力演出。瀧仔話日前喺屋企練習化白面裝，咁啱俾阿媽見到，令佢覺得非常尷尬。