剛為人父的郭晉安昨日到東港城出席「親親寶寶大本營」，他見到在場50名扮鬼扮馬的小朋友表現得相當興奮，他表示將來會鼓勵兒子多參加群體活動，他說：「群體生活可以令一個小朋友更有自信更大膽，𠵱家啲小朋友歲幾上台都唔會驚，畀着以前叫我歲幾上台一定會嚇到瀨屎。」
囝囝識偷笑
安仔又指小朋友零至3歲的吸收力最強，所以他希望兒子學音樂，他說：「學音樂簡單又好玩，而且可以令小朋友抒發情緒，同埋我想佢學識四種語言，如果我有能力一定會畀佢去外國讀書。」
司儀在台上問到安仔初為人父的心情，他表示現在是一個重新學習階段，安仔說：「換片呢啲工作我都要學㗎，加上媽媽喺呢個時候好需要爸爸支持，所以責任感好大，不過我發現BB呢兩日識偷笑，我見到佢偷笑我就大笑。」
採訪、攝影：李珮洳