過去一星期最令藍鑽石不快，係難得碰着周二例假，但用盡旁門左道始終都撲唔到哥哥紀念演唱會嘅飛。有學友有偉仔，未去現場都想像到氣氛冇得頂。
退而求其次睇三色台做嘅哥哥特輯，再對比番早前港台製作嘅同類節目，感覺係假如唔係版權問題，大家合作做個更好節目紀念呢位「有今生、冇來世」嘅巨星，就更完美。
講返貼士，有兩場較有信心，除今日阿仙奴上盤外，係明日國米客勝阿特蘭大。外貌激似舊同事Jack嘅甘比亞素應復出，國米W得。
主客和：國際米蘭勝
心得：唔信阿特蘭大有兩嘴
近5場往績：贏贏輸贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。