馬丁話公民黨可以領導泛民，一句說話搞出唔少風波。公民黨湯家驊喺個人網誌埋怨馬丁搞到滿城風雨，叫馬丁千祈唔好將「領軍」呢個份量十足嘅包袱隨意四圍拋，因為領袖地位，係靠贏取民心得來嘅，欽點出嚟嘅只係傀儡唔係領袖。
湯大狀早前去遊黃山，佢話如果唔係為咗民主夢，寧願長留黃山，而唔想面對滿城風雨。不過佢登黃山過程一波幾折，因為天雨關係而兩改行程，去完前山再到後山，佢自言有英雄之壯志登山，卻苦無英雄之體力，因為一日內行晒百步雲梯同一線天，行完後腳都軟埋，第二日攰到差啲起唔到身。佢話好彩唔係10年後先去黃山，否則隨時上唔到去。