後生仔女尊敬老人是天經地義的事，但遇上一些老人家恃老賣老確實令人勞氣，網友carly.c與老公排隊等巴士，就遇到一位勁爆老人家：「我哋排頭一、兩個位，等等吓有位婆婆走過來，企喺C6（即丈夫）旁，再用佢個大PATPAT撞開C6，坐咗喺個巴士欄度，到巴士嚟就咁上咗車，打尖打到佢咁勁。」
棉花糖媽媽亦常遇一位專打尖的婆婆，她說：「朝朝如是，專企喺我前面，唔係嬲佢打我尖（佢上車冇位坐，我都會讓畀佢），係嬲佢個個唔打，偏偏就打我尖。」彭彭豬同樣遇到打尖阿婆，她說：「我上次好禮貌咁叫個阿婆排隊，佢喊住話我蝦佢幾十歲老人家，幾好戲嘅甘草。」遇到被老人家打尖，不少網友的心態是：「費事同佢嘈，因為嘈起上嚟，我實輸硬，事關啲阿婆十個有八個都好識扮嘢。」
當然，並非每個老人家都不講理和不守秩序，Net人也不鼓勵老人家蠻不講理，畢竟對待老人家還是需要多一點人情，少一點道理。
http://forum.baby-kingdom.com/viewthread.php?tid=1353195&extra=page%3D1
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，
電郵到：mailto:[email protected]