歐陽若曦（Darryl）喺去年以首位香港華人車手出戰保時捷超級盃賽事，並贏得「歷年最佳新秀」美譽後，今年佢會再接再厲出戰此賽事。日前Darryl同一眾傳媒聚聚，順道講吓佢今年嘅參戰大計。Darryl表示，4月5日將於巴林出戰2008保時捷超級盃首兩站賽事，由於得到各大贊助商支持，信心更大。更因為喺去年賽事中吸收到嘅經驗同對賽道嘅認識，有助佢喺今屆賽事中取得更好成績！另外，Darryl今年亦會參加保時捷亞洲盃嘅賽事，所以佢可以喺西班牙華倫西亞同新加坡等街道賽道一展身手，佢話一定會出全力，同其他車手一決高下咁話！
記者、攝影：鄭達基