上周西布朗僅保單W，但有運靠海倫芬最後一分鐘入球（貼中總入球6球），命中一條3千幾分嘅2串1混合過關，進一步行近回本嘅10萬分，今次火力集中，捧英冠屈福特W及昆士柏流浪大。
屈仔遣黑雙煞攻堅
近期已少貼季初愛隊屈福特，今次吼番主因係上仗竟作客慘吞爭升班對手侯城3蛋，領隊保夫萊特賽後話係佢上任3年以來，球隊最劣敗仗，究其原因，對手近月勢強及屈仔缺停賽嘅中場悍將烏斯泰斯及射手達路斯軒達臣有關；今次返主場鬥周中剛撼完護級大戰嘅高雲地利，雖然兩位主力仍然停賽，但前線由上訴得直的卡巴拍艾寧頓這對黑雙煞攻堅，面對實力一般嘅高軍，屈仔在仍有望爭入前2直升超聯，定必進取求3分，破近8場不勝悶局。對手高雲地利自高文執教已有起色，但作客實在太差，加上周中耗力，今場注定無運行。
另一場英冠精選屬昆士柏流浪迎普雷斯頓鬥大，以兩隊目前積分，務必在餘下6戰起碼勝出其中4場，方能有望入前6踢升班附加賽，理應放開懷抱一戰，適逢只攻不守嘅昆軍上仗作客與葉士域治互交白卷，但翻查賽績，前者今屆5次與對手踢成0:0後，4次在翌仗開「大」，今次又嚟入球騷咯。
博紐記雷丁入4、5球
配腳博富咸上盤贏今屆作客倫敦全敗嘅新特蘭、葉士域治作客贏我最愛嘅英冠魚腩高車士打及博大霧捧會繼續全攻型嘅紐記與雷丁鬥攻，開總入球4、5球。
近5場往績：贏贏輸輸贏
蘋果波神
英超波癡有一個心願，5月話你知！