睇咗《求婚大作戰》特別版，發現男主角山下智久箍咗牙，而佢啲肢體形態，亦同佢同門師兄木村拓哉越嚟越似。講起山下智久同埋木村拓哉，不期然令我諗起C朗同埋碧咸，佢哋兩個都係曼聯嘅經典7號仔，而且都係咁好波同靚仔。但C朗喺場上嘅態度，有時就好令人反感，事關佢唔太尊重對手之餘，另外係咁𠵱俾對手掂吓，就好似俾人非禮咁。如果C朗想好似碧咸咁襟撈，就要改吓做人處事嘅態度。
C朗係衰格，但不得不承認佢真係好波。聽晚曼聯作客海鮮波米杜士堡，聯賽連贏唔難增至7場。
主客和：曼聯勝
心得：紅魔當紅，唔好同佢作對
近5場往績：贏輸輸輸贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。