鍾嘉欣、陳茵媺和朱慧敏都是本月生日，昨日她們抽空出席無綫為員工在將軍澳電視廣播城西餐廳舉行的「四月星辰」。24歲的鍾嘉欣在本月9日生日，她有事業、有樓，但感情卻空白一片。
問嘉欣想不想找一個男朋友，她說：「好呀，都係時候喇，我對男仔都冇乜要求，最緊要係有心、有愛心，有錢靚仔都冇用，係好短暫，錫我錫我屋企人已經好好。」有指她沒有理由無人追，嘉欣說：「應該有少少，我唔知，我比較鈍，我唔係好覺，所以好多人都係朋友階段。」
朱慧敏俾網友鬧
朱慧敏本月22日27歲生日，她說：「希望事業可以有更好成績，今次喺《古靈精探》入面勾人男友，勁俾網友鬧，監製都好滿意，話觀眾入戲先咁肉緊。」而4月1日愚人節27歲生日的陳茵媺，今年有個難忘生日，她說：「生日嗰日要開工，但係之前就有個surpriseparty，好驚喜，見番好多好朋友。」
採訪：楊潔雯
攝影：葉君海