今年42歲的河國榮，因為醉心演藝工作，21年前離開澳洲老家到香港尋夢，於88年加盟無綫開始拍劇，不經不覺已經20個年頭，直至近年其演藝事業停滯不前，河國榮在影帝周潤發鼓勵下，決定離開無綫到美國荷李活繼續尋夢。
講得一口流利廣東話的河國榮（原名GregoryCharlesRivers），一直以來醉心演藝工作，不過他加盟無綫20年來，演出的都是閒角居多，事業發展未見有突破，為了不想變成甘草演員，河國榮今年1月約滿無綫後，毅然決定不再續約，並且準備下月遠赴荷李活繼續追尋他未圓的夢。
「勁暗示幫佢手」
記者昨日致電河國榮，他坦言：「20年嚟都係做嗰啲角色，我唔想變咗甘草演員，仲係一個唔開心嘅甘草，反正TVB𠵱家都有Brian（布偉傑）頂住，就算冇咗我都冇所謂。」
原來河國榮於去年當上了周潤發的英文老師，並在發哥主演《戰火逃城》和《龍珠》期間教他英文，而今次河國榮決定離開無綫向外闖，據知全因得到發哥的鼓勵，對此河國榮笑說：「佢係有勁暗示我有機會幫佢手啫！之前我同佢去墨西哥拍《龍珠》，做佢英文老師，識咗好多荷李活嘅工作人員，今次我去美國都係自己搵agency，我唔敢叫發哥幫我，因為我怕自己做得唔好影響到佢。」
問河國榮如何當上發哥的英文老師時，他說：「早在10年前發哥拍一個廣告時，我做個茄喱啡，佢對我哋好好，收工嗰陣仲車埋我哋走。舊年1月我喺清水灣放狗，發哥咁啱揸車經過，佢停低問我教唔教英文，20年嚟好多人問過我，我都係sayno，今次係第一次sayyes，因為佢係一個好nice嘅人，難得可以同佢一齊，所以我應承咗。」
樂於由零開始
問他離開工作了20年的無綫，會否感到不捨得？河國榮說：「初初都有啲，但我都幾清楚，如果繼續做落去自己係唔會開心。」河國榮明白要在荷李活闖出一番成績要花上好一段時間，但他絕不介意由零開始。
採訪：戴彩煥
話你知：TVB御用洋人
準備到荷李活闖天下的澳洲演員河國榮，因十分欣賞偶像張國榮而取其名字。河國榮21年前來港發展，並開始學習廣東話，在機緣巧合下成為無綫外籍合約藝員，首部演出的劇集是《太平天國》。
河國榮是早年無綫的「御用洋人」，任何劇集需要有外籍人士角色，都會找他演出，形象深入民心，直至近年無綫開始起用如喬寶寶和布偉傑等外籍演員，河國榮「獨霸市場」現象才停止。河國榮近年醉心舞台劇發展，去年更貼錢演歌舞劇《They'replayingoursong》。