日本女星仲間由紀惠主演嘅人氣劇集《我Miss係大佬3》喺今個月19號首播，上一輯喺05年播出時，平均收視超過28%，仲帶挈同劇嘅龜梨和也、赤西仁等成為當紅偶像。噚日，仲間再着番套招牌紅色運動裝，同新一輯嘅學生三浦春馬、高木雄也等去到特別為劇集搭建嘅神社，祈求收視再創高峯，仲間仲大讚一班學生嫩口又可愛㖭。