巴甲聖保羅周二宣佈前鋒阿祖安奴租約期滿後唔會續約，原隻打包空運畀番國米，話要遵守簽落由今年1至7月嘅借用合約喎！其實阿祖呢排表現唔錯，周日聯賽對伯拉根森仲梅開二度！好有機會入聯賽4強，咁聖保羅做咩唔繼續用呢位射手呢？咪就係阿祖效力4個月嘅劣行file已厚過電話簿，兩次酒後駕駛出車禍、頭撞對方球員停兩場、操練遲到等。上述行為有邊樣似職業球員？你係聖保羅會長，都請佢過主啦！