陳奕迅（Eason）、陳曉東和胡蓓蔚等前晚在將軍澳電視廣播城錄影《勁歌金曲》，眾星分別唱張國榮（哥哥）的歌悼念他，Eason表示難忘哥哥對他說的話，他說：「佢叫我戒煙，話我把聲咁靚唔好嘥，我當時都有戒。」他謂早前飲宴時遇到很多華星出身的歌手，大家計劃組新秀同學會。
胡蓓蔚未註冊
陳曉東則透露稍後推出國語大碟《陳曉東2008星空夢遊》，早前在內地已推出預購版《心裡有數》，賣出五萬張，反應極佳，現在要加印，東東說：「個封面我自己設計，歌迷攞住預購版可以換大碟，又可以參加我喺北京搞嘅音樂會。」廣東碟則於本月中推出，屆時他將馬不停蹄做宣傳。
至於胡蓓蔚被問到何時與單立文註冊？她說：「睇邊日唔使返工，咪揸車去囉，到時唔大搞喇，婚後生活冇乜唔同，生仔隨意啦。」問她是否不設防？胡蓓蔚說：「要問我老公。」
採訪：王崇穎
攝影：葉君海