Beyond的黃貫中和黃家強兄弟反目，前晚兩人前後腳出席band騷，前輩譚詠麟和鍾鎮濤做和事佬「唱雙簧」擺他們上枱先後訓話，令二子十分尷尬，但之後兩人態度明顯軟化，有望很快冰釋前嫌！
前晚Beyond三子黃貫中（Paul）、家強和葉世榮到尖沙嘴出席band騷，捧場圈中人有草蜢、陳志雲、胡蓓蔚及單立文、葛民輝、何超儀、Rosemary、Freeze的石詠莉及甄穎珊等。Beyond三子未有一同表演，只是各自上台唱歌，阿Paul和家強更未有碰頭。
當阿Paul唱完時，司儀介紹嘉賓溫拿上台，他們補祝阿Paul上月31號44歲生日並送上蛋糕，接着譚詠麟（阿倫）和鍾鎮濤（阿B）「唱雙簧」向他訓話兼做和事佬，阿倫說：「我係Beyond忠心fans，Beyond睇住我大，我想再睇到Beyond，我唔係說教，係想幫大家撮合一啲嘢。」阿B稱：「夾band要夾人先，仲要有火，但唔可以動真火。」隨即阿倫問阿Paul：「你啲friend喺邊？聽《海闊天空》係咪要退一步，仲要伸出友誼之手，釋懷唔好放喺心，向前行一步。25年喺埋一齊，濕碎嘢算啦。」
阿倫笑家強作大
Paul聞言表現尷尬並說：「收晒，得啦，多謝校長，多謝教誨，明白啦。」之後阿Paul和阿倫、阿B合唱《海》曲，中途阿Paul有感而發說：「夾band唔易，夾緊時唔覺，但結束咗先知可貴，夾band要勇往直前。」阿B即說：「勇往直前就唔好有拗撬，瞓醒冇事。」阿Paul尷尬地懇求大家不要再提，而他唱完即離開沒有接受訪問。
溫拿表演至尾聲時，家強匆匆趕到衝上台，他解釋因駕車發生意外而遲到，阿倫即笑說：「唔好作到咁大，你啲朋友呢？」家強尷尬表示不知道，而fans則大叫：「唔好再玩佢哋！」家強謂：「好開心，我除咗做Beyond外，仲會做家駒紀念活動，Beyond嘅事遲啲先講，但唔會令大家失望同失落。」
唔會做表面功夫
另外，家強做訪問時說：「只有我哋先可以解決，我會打畀佢（指阿Paul），相信我，唔好喺呢啲場合擺我哋喺台上面，好尷尬。如果叫我哋握手言和，只係勉強去做，表面畀人睇。」談到阿Paul態度軟化，家強稱：「我都軟化中，係個好開始，畀啲時間我哋，我開心㗎，令我打畀佢嘅機會更大，誤會始終係誤會，有信心阿Paul唔會將誤會放喺心度。」對於把家強說話傳錯給阿Paul的中間人，世榮則笑罵他：「佢正一食塞米！」
採訪：王連連 攝影：陳慧安
