詹瑞文和太太甄詠蓓成立的新公司「PIP文化產業」，昨日在演藝學院舉辦開幕慶祝酒會，除了現有的劇團、學校和兒童劇團外，稍後將成立六間和電影、音樂、製作等有關的新公司，希望吸引有興趣的人投資。
擔任該公司CEO的詹瑞文說：「我都43歲，如果等政府資助有排都開唔到，所以先至決定自己搞，首筆投資都要七位數字，單係個劇團每年開支就成4000萬，主要收入係劇團演出，我𠵱家仲搵緊人投資開拍《男人之虎》電影版，林建岳先生都有主動傾過吓！」
希望阿Sa做影后
另外，談到電影金像獎仍然未籌足舉行經費，詹瑞文表示：「所以咪話唔可以依靠政府囉，係要靠自己個行業。」至於由他和蔡卓妍（阿Sa）主演的《戲王之王》，阿Sa獲提名「最佳女主角」，詹瑞文稱：「我梗係戥佢開心，佢做得好投入，希望佢得獎。」
採訪：李珮洳
攝影：陳俊強