蒙嘉慧和鄭伊健又再傳出婚訊，似乎身邊所有人都為這對羽毛球情侶着急，不過蒙嘉慧昨日出席無綫劇集《真心英雄》開鏡拜神儀式時表示不恨嫁。郭晉安則大爆囝囝食人奶，且一日吃八餐。
郭晉安和蒙嘉慧昨日在將軍澳電視廣播城，出席無綫劇集《真心英雄》開鏡拜神儀式，郭晉安與歐倩怡的囝囝出世之後，收到不少禮物，最近還收到一個名牌奶樽。
囝囝一日八餐
安仔說：「收到個ChristianDior奶樽，好浮誇呀！得閒就拎出嚟睇吓，之後擺番好佢，𠵱家囝囝一日八餐，一半人奶一半奶粉，人奶就係泵出嚟，因為BB食人奶好易整損媽媽乳頭，一陣BB飲咗媽咪傷口嘅血水，對身體唔好。」
另外，鄭伊健被指以4,000萬買豪宅準備迎娶蒙嘉慧，這對圈中球壇情侶，會不會開花結果？昨日蒙嘉慧被追問婚訊時說：「冇啲咁嘅事！我同TVB仲有好耐約。」問她還有多少年約？她說：「係商業秘密。」
與伊健有共識
蒙嘉慧堅決否認婚訊，莫非與男友鄭伊健早有共識？她說：「大家集中工作，呢啲嘢係人哋講，我哋自己清楚自己，做嘢要緊。」莫非蒙嘉慧不恨嫁？她說：「我唔會因為恨去做，溝通係最緊要。」問她是否想做個遲婚的女人，她說：「我覺得唔好諗，隨緣啦！自己暫時呢一刻都想專心工作。」
鄭伊健和蒙嘉慧的羽毛球情緣人所共知，連《真心英雄》的監製都特別安排了一場打羽毛球戲給蒙嘉慧，她說：「之前天書係話打網球，之後收到劇本，監製就改咗打羽毛球，佢話費事拍一場我唔識嘅球類喎！」
採訪：楊潔雯 攝影：葉君海