黃宗澤（Bosco）和關楚耀（Kelvin）昨日到金鐘，為時裝騷擔任客席模特兒，原本活動由孫耀威上陣，但因他發高燒被迫缺席，由二人頂上。問Bosco會否夠膽穿三角泳褲行騷？他笑說：「我驚我身材唔夠弗，底線最多係着滑水褲。」
Bosco表示希望接多些騷儲錢買樓，記者取笑他想成家立室，他即說：「梗係唔係，我想買畀阿媽同隻狗。」若果接三角泳褲騷價錢高些能夠快些達成願望，Bosco即轉口風說：「咁都可以考慮吓，我會操弗啲，我份人好知足常樂，千幾呎約六、七百萬咁，我會努力賺錢。」
關楚耀行錯路
關楚耀行騷時略為緊張兼行錯路，但事後他死撐自己只是扮cool。問到有否介意執孫耀威二攤？關楚耀說：「有工作就唔介意，我都有SMS問候老孫，其實呢間公司成日贊助我啲衫，價錢唔一樣都冇所謂。」關楚耀更自薦做三角泳褲模特兒，他說：「我呢排減肥成功，好弗，所以好啱做。」
採訪：胡比
攝影：陳志嵐