葉翠翠、高鈞賢、鄭則士及陳錦鴻等前晚到跑馬地出席新劇《盛世人傑》的煞科宴，翠翠與高鈞賢一同到場，她說：「我喺電視城收工，佢好有風度車埋我，我都冇諗過佢肯嚟車我。」高鈞賢笑謂：「翠翠又話識路，點知一啲都唔識，我哋差啲去咗西環，又幾乎撞到人，好彩有驚無險。」
鄭則士重口碑
鄭則士帶着老婆赴會，他表示會盡力要求監製梁材遠埋單，談到他主演的新劇《金石良緣》，首集平均有31點收視，他開心說：「我好滿意，套劇反應好，對我將來再拍劇都有幫助，我𠵱家拍劇在乎口碑。」廖碧兒曾稱讚他對後輩提點有加，鄭則士說：「傾得埋咪傾多兩句囉，唔好話邊個教邊個啦。」
採訪、攝影：何慧斯