歐聯勢成巴塞戰三英
銀河係咪爛隊，明早見真章
列斯聯重上正軌，勢入英甲升班附加賽
錫周三苦戰多時，暫離降班區
費倫鬥燕豪芬，成敗或繫門將質素
最新動態
自從同有線講再見後，已好耐未睇過德國波，加上該台攞埋足協盃轉播權，同該國獨大嘅拜仁距離更遠；何況自己唔熟唔賭，唔睇過更加冇興趣落注，所以只聽見身邊好多賭友，對呢隊波恨之入骨，由博佢反底到死心避之則吉。
博反底，從來都係一個複雜嘅心理行為，不過應堅持追旺唔追弱，好似上屆長追拉素輸波會有一段長時間輸到攤攤腰，而今屆亦無理由同曼聯作對，而長期博拜仁反底。自己唔熟，走去求教德甲專家青蛙仔，佢話拜仁一早公佈奇連士文會喺下屆掌帥，令到隊內老一輩外援如過渡嘅薛羅拔圖，見底嘅盧斯奧同臭馬雲邦美自知時日無多；加上在國內獨大，唔怕間唔中踢得差，心理出現問題，有啲睇唔起對手，所以遇弱越弱，試過輸畀科特布斯同安德列治，和過鴨巴甸同1860慕尼黑，都幾肉酸。
今晚對今屆西甲異軍基達菲，究竟拜仁一眾大款點看待對手，成勝負關鍵，唔使喺清明節晨早起身返工嘅波友，當然可以捧場博吓佢哋打番場好波。
http://hk.myblog.yahoo.com/appleballmen/
蘋果波神
英超波癡有一個心願，5月話你知！