由彭氏兄弟監製，江若琳（Elanne）、李璨琛、阮民安及周俊偉主演的新片《嚇死你》，前晚於圓方舉行首映。周俊偉早前拍電影時受傷，斷了幾條手筋，前晚他向記者展示傷勢已差不多復元。而現場江若琳有30多名fans撐場，不過他們不停大聲叫喊，令司儀主持儀式時要求Elanne勸喻fans暫時靜下來。
好擔心票房
Elanne表示《嚇》片中以素顏上陣是一大突破，她說：「拍戲做靚女都做咗幾次嘞，都要嘗試吓其他角色，不過每次有新片上映我就會好緊張，因為好擔心票房。」此外，身為電影監製的彭發透露《風雲II》將於本月底開拍，已經安排好兩個大廠景拍攝，他說：「我哋會用200至300萬搭一個森林景，係為咗要營造具漫畫感嘅效果，同埋彭順已經喺泰國試緊啲特技，到時演員一到埗就可以即刻開工。」
採訪、攝影：何永寧