「萬世歌王」將於下月第四次公演，今次詹瑞文的宣傳海報，構思來自郭富城年初舉行的演唱會造型。原來詹Sir一直以來都覺得在眾多歌手中，城城在舞台上的造型最突出，所以他就以城城的造型為藍本。一向演出貼近時事的詹Sir，今次的海報口號更以「疑似好睇演唱會08」作招徠，未知他演出時會否幽淫照男主角陳冠希一默。
一向多搞作的詹瑞文，今次以幾個城中熱話作為「萬世歌王」海報的宣傳句語，當中牽涉的人物包括陳冠希、鄭欣宜及秋官鄭少秋，而海報的造型，則是模仿郭富城年初舉行的演唱會。詹Sir於「萬世歌王」第一次演出時都有模仿城城，他認為城城反轉舞台演唱會中的形象，十分突出鮮明，所以便決定以此作為藍本。
幾十蚊老翻頭套
詹Sir日前說：「我發覺冇歌手個image好似阿城咁突出，佢喺舞台上嘅造型真係可以去到好盡，所以我就參照佢一開場嗰個金粉look，我專登搵番幫佢造心口塊三角形嘅設計師幫我照樣整多塊，至於個頭套，我聽城城講好貴，但我就用咗幾十蚊去整一個翻版嘢。」
宣傳海報上印有「疑似好睇演唱會08」，擺明是與疑似藝人淫照一事有關，不過詹Sir未決定表演時會否講及此話題，他表示：「我當初用『疑似』演唱會嘅原因係『萬世歌王』真係唔係一個演唱會，只不過佢個內容同歌手有關，同埋呢排乜嘢事前邊都加疑似兩個字。」
秋官事件多聯想
至於海報上提及欣宜及秋官，詹Sir認為早前於肥姐的追思會上，鄧光榮指摘秋官一事成為城中熱話，詹Sir因此事想起一首歌，就是《難為正邪定分界》，他說：「秋官呢件事係講緊一個現象，好多事外界人覺得錯，可能當事人最親嘅人覺得唔係，係正係邪唔係由第三者去判斷，不過我希望重申一次我嘅演出唔會模仿人哋為中心。」
撰文：李珮洳
