韓星裴勇俊出道多年甚少緋聞，不過噚日有當地新聞網站報道俊哥同劇集《太王四神記》女主角李智雅秘密撻着，仲話佢哋喺上月21號到首爾江南一間酒吧把酒談心兩個鐘。俊哥已透過經理人公司堅決否認，仲話當晚同行嘅女子只係俊哥嘅化妝師，並已經計劃向不實報道嘅新聞網站提出起訴。