就算唔係男人，亦明白西裝貼身的重要性，感覺猶如女生的旗袍。半分一寸足以令事情由妙轉敗，訂做係必要的。
土產老字號觀奇洋服叫盡價一萬幾千，意大利名牌卻要三萬大元一套，貴在那裏？想ShowOff，何必投資落西裝度，買隻名牌靚錶更易達標。與別不同的是好的西裝有生命力，是男人的第二層皮膚。
攝影：陳盛臣
http://appleblogpaper.blogspot.com
aboutme:
fluffy
周圍逛、周圍蕩是我的嗜好。不怕人生苦短，只怕成兩腳一伸，沒任何值得回憶的畫面，一直堅守嘆盡、嚐盡、玩盡這人生三大目標。寧花盡一分一毫，也不願使剩半角入棺材。
PalZileri的西裝約3萬一套，單從外觀真的跟普通西裝分別不大，似乎只有他的主人才能深深體會其生命力。
MTM唔係樣樣由客話事
太愛行街使錢，亦多謝朋友畀面，經常叫我「幫吓眼」。年中推卸的陪行街工作有數十單，今次我卻舉手仆到去。老友Keith每日西裝不離身，身邊朋友對LaneCrawford的訂做西裝總有讚冇彈，於是心郁郁想預約一試。每年兩季請來四大品牌意大利裁縫師傅來港，我提議他預約意大利味較濃的PalZileri。基於外形及身家，ArmaniCollezioni太型、Canali太行政、約六萬一套的Brioni太貴，其他都要約三萬元一套。一心以為乜都可以自己揀，發揮吓隱藏已久的設計師天份，事實卻係這些年過半百的意大利老牌，為顧客所做的都係Made-to-Measure，唔係印象中觀奇的Made-to-Order。MTO即由零開始，任何設計都由顧客話事，而MTM雖然加入了顧客喜好，有一定彈性，但亦有準則維持品牌風格。LC買手Patrick解釋：「有好多人會喺雜誌撕張相嚟，叫師傅跟住做，根本就係兩回事。客人可以揀過百款嘅布料、幾多粒鈕、袋款、Collar設計等，小小嘅Detail位，變化已經可以好大。同樣有參與成份，佢吔享受給予意見，亦會尊重師傅嘅決定。」
意大利MTM啱港男
從度身到傾款式要花兩個鐘頭，等起貨再加6至8星期，價格數萬，MTM其實係咪有錢佬的小圈子玩意？Patrick：「歐洲MTM文化源遠流長，近幾十年雖被Ready-to-Wear取代，但好肯定西裝潮流會走回MTM熱潮。5年前，客人仲多數係45歲以上嘅CEO，但呢兩年已經多咗好多30歲嘅打工仔。佢哋有自己個性，有心目中嘅款式，能夠將傳統優質布料，用上新剪裁，做完全屬於自己嘅ModernClassic西裝，貴啲都值得。西裝係男人嘅SecondSkin，着過訂做靚西裝，人都有自信啲，好難再返轉頭。」要數西裝歷史悠久，英國亦係佼佼者，點解會清一色請意大利品牌來港？「英國MTM西裝設計仍然着重紳士味，腰位直、墊膊太大。香港人要型，但更鍾意舒服，意大利嘅剪裁較適合佢哋。」連師傅FlorianoValentini都話亞洲人身形同意大利人相似，遊遍世界各地，意大利西裝最適合亞洲人。
好西裝會跟住個Body郁
Keith由兩名助手、一名LC職員的協助下，度完身，開始跟師傅傾談款式。西裝料過百款質料及顏色，內至Lining的質料，細至袖鈕配襯，均由客人自行決定。布料越幼細越貴，因為除成本外手工亦較難。計吓數，數目開始超越三萬元。香港的老師傅手工技術不差，做出來應該同RTW貨差不太遠啩！「一套意大利MTM西裝係有生命㗎！除咗用NaturalFiber托起套西裝、面布與Lining中間嘅Canvas亦堅持選用馬尾毛。馬尾毛比紗布更密，吸濕功能最好，加埋師傅嘅RunningStitch，比起一般西裝將三層布料熨死，MTM西裝會跟住身形有所變化，全件西裝會跟個Body郁。一套完全屬於自己身形嘅西裝，壽命會拉得更長。」講到咁正我都心郁，好彩我唔係男人。
查詢：
LaneCrawford（21183668）
金鐘太古廣場L1
最新回應
Edwin：其實都知訂西裝會貼身好多，舒服好多。結婚嗰套就話走唔甩啫，平日着都唔會專登訂啦，又貴又要等。
Ken：講到有生命咁誇張，我都想試吓。不過要有套屬於自己嘅西裝，銀両代價付出都幾大。
相關超連結
http://www.armani.com/index.html
四個MTM品牌之中，以GIORGIOARMANI的支線ArmaniCollezioni較多人熟悉，全因其DesignerBrand形象深入民心。網頁內亦有全面介紹最新一季西裝褸款式，品牌MTM的詳細內容。上網率先揀定心水，等下季師傅駕到買番套。
