日聯列強全作客讓波，小心
費倫巴治肯放膽主攻，車仔未可安枕
貼錯博維斯塔，3月榜首夢碎
紐記續打全攻足球冧肥老細
聖日耳門今晚若再輸，好危險
最新動態
雙紅一周打3場，成敗繫於部署，若然我是賓帥，今場會沿用贏愛華頓嘅陣容，不過我相信佢會出番馬斯真蘭奴。
這位多口嘅阿根廷中場工兵喺聯賽停咗1場，今場勢成紅軍中場掃蕩嘅重要棋子。但上場同市打吡戰冇咗佢，賓帥中場中焗用沙比阿朗素拍謝拉特；但放棄中路入滲，反而多了高Q大棍讓賴恩巴布等快馬放散愛華頓防線，效果不俗，後防亦少因中場斷纜而被打反擊。出番馬斯真蘭奴，相信紅軍喺呢場首回合嘅推進節奏會減慢，但這可能中正阿仙奴下懷。
阿仙奴近期經常因後防佈越位失敗，被對手打反擊失波。該隊唔怕好似AC米蘭等歐陸強隊，上腳用中速去進襲；反而最怕你縮喺後面用兩翼打快速反擊。利記用番身價達2.7億嘅馬斯真蘭奴加強中路防守，實在無可厚非，但阿仙奴最強殺着係兩翼潮水式側擊；最重要係，兩軍防中相比，身價比佢低10倍嘅法米尼，更具侵略性跑得更快更多，更超值！
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/