藝術與時裝手袋這條大纜越扯越埋，意國名牌Fendi慶祝經典的法包袋（Baguette）推出10周年，在全球多個城市舉行「Fendi10+藝術展」接力賽活動，廣邀不同界別創作人設計獨一無二的Baguette，今晚於尖沙嘴舉行展覽。港隊創作人包括陳奕迅、林海峰、黃偉文、「史力加」爸爸許誠毅、夏永康、陳幼堅、陳瑞麟、插畫師AliceChan、CarrieChau及化妝師RickChin。眾人的「私家包」中，有以童真喜悅為大前提，如陳奕迅筆下可愛的smilingface，着意叫人多發夢，希望這個世界充滿色彩、歡樂及夢想。
歌手陳奕迅白雲載夢想飛行
陳奕迅（Eason）深夜時分開夜車設計的FendiBaguette，圖案是一張小鬼臉做夢的模樣，並在手袋揹帶內側寫了一句Weshouldalldreamalittlemoreoften（我們應該多發點夢），Eason接受電話訪問時說：「我收到Fendi畀我嘅『架生』，係一個白色帆布Baguette袋同一盒彩色pantone，一見咁多顏色就興奮，初初諗住畫到成個袋花喱花碌，諗諗吓淨係黑同白都會好靚啫，尤其今次主題係10+，+即係plus，我就用中國毛筆字寫法寫咗個十加喺袋背，EastmeetsWest嘛。
「簽名會加笑臉」
「前面嘅smilingface，基本上我同fans簽完名都會加個笑臉，而揭開個袋仲有嘢，空白嚿雲代表夢想，我留空咗佢或者等第時呢個袋嘅物主，自行寫上佢嘅夢想，袋內帶嗰句Weshouldalldreamalittlemoreoften就幾時都係我嘅座右銘，基本上我係希望呢個世畀好似個袋咁，morecolorful、joy同dream。」
攝影師WingShya洗水變形添風霜
10位不同界別的創作人為香港「Fendi10+藝術展」設計的Baguette各具特色，傾向較artistic的有攝影師夏永康（WingShya）的「回憶價更高」及陳幼堅的Fendination。
WingShya最初的原意是以其攝影作品印在袋面，但第二天一覺醒來，看着這個袋，發覺實在不夠深度，遂將手袋以特別洗滌方法洗一次，變成現在變了形、有點蓉蓉爛爛的模樣，然後再揀選一批這10年拍過的照片，又以特別效果造成飽歷風霜的殘舊效果。WingShya說：「人嘅記憶體有限，就如你每影一張相，都會有深刻嘅記憶，但記憶會隨時間褪色模糊，但始終記憶喺心中，都存有一定位置。」
設計師陳幼堅淋紅油ArtPiece
陳幼堅的作品不是一個能拿出街用的手袋，而是一件取名為Fendination的artpiece，他以一抹紅油淋在袋上及淋上10字，寓意有10周年歷史的Baguette，idea不斷、富生命力。
嘉玲台北接力
儼如馬拉松接力賽的Fendi10+藝術展，去年10月開始在羅馬揭幕，其後陸續移師北京、曼谷、加州，然後是香港，明天起至27號會在尖沙嘴海港城．美術館展出，讓有心人可透過競投買得心頭好。
至於接香港棒的是台北，將於下周三（9日）揭幕，下周六舉行活動，台北版的Baguette10位創作人中，包括劉嘉玲，嘉玲更認真將這帆布袋送到其出生地蘇州，找當地的傳統工匠按照其意念在袋面刺繡。
採訪：MichelleLeung
攝影：RickyChan
示範：AsayaofCalcarries
化妝：JessicaSum
髮型：RoyPangofIlColpoTripleEdge
