【淫照風暴之打救農夫】
陳冠希（Edison）因淫照事件形象盡毀，連帶其唱片公司CMD旗下歌手組合農夫的演唱會也受影響，在贊助商縮沙後，商台放棄主辦該演唱會，不過在Edison努力下，東亞娛樂決定接手，8月初會為他們舉行兩場演唱會。
陳冠希因淫照事件遠走美國發展，但他對自己一手經營的CMD唱片公司運作依然很關心，特別是旗下歌手組合農夫的發展，原本商台於本月中為該組合舉行演唱會，但後來因與贊助商Manhattan信用卡談不攏，結果商台要放棄主辦這個演唱會，其實Edison原本也是該信用卡的廣告代言人，所以該品牌才會答應做農夫演唱會贊助商，後來發生淫照事件，一切有關合作才被終止，連帶農夫也受連累。
「會畀心機做嘢」
為免影響農夫前途，據悉身在美國的Edison曾要求老闆林建岳主辦農夫演唱會，而商台方面又願意借出8月1、2兩日的九龍灣展貿StarHall檔期，結果農夫演唱會終可見天日，昨日記者致電給商台助理總經理甘菁菁，她回答說：「因為贊助商出咗問題，我哋的確放棄主辦農夫演唱會，但呢個組合我哋好睇好，所以8月我哋喺StarHall有兩日期，曾主動聯絡東亞娛樂有冇意思主辦呢個演唱會，最後佢哋落實話搞，商台會做協辦單位。」
甘菁菁又指已經通知了Edison，她說：「日前同Edison聯絡過，佢話畀我聽，𠵱家好好，會好畀心機做嘢，叫我放心。」而東亞娛樂發言人梁小姐昨日在電話中回應說：「農夫已經知道演唱會喺8月初舉行兩場，佢哋同Edison都好開心。」
有新聞先有Noise
農夫的陸永日前接受訪問，對演唱會延期也曾說：「唔話我哋延期，分分鐘冇咁多人知道我哋開騷㖭！如期開騷就未必有咁多人知有騷開，有番咁上下新聞先好吖嘛。」
對於傳聞7日內找贊助商，陸永例牌否認：「冇咁嘅事，我哋都唔明點解會傳到咁。延遲只係因為拍戲。」C君亦補充說：「我哋個騷唔止唱歌咁簡單，要時間度㗎！」
採訪：葉雪、王連連
