來回行完青沙公路之後，同車嘅朋友接到太太電話，叫佢即刻去葵芳「交人」，順理成章駛出尖山隧道後，就梗係揀葵涌出口離開青沙公路，但因為咁就俾呢個出口激死。原本行緊快線嘅我，見到離不遠處有個葵涌出口指示牌，但Cut得線嚟都差啲去到行車線分隔石壆，個人覺得，點解有關方面唔喺往西九龍方向嘅收費亭頂部加裝路牌提示駕駛者呢？另駛到接回呈翔道嘅天橋時，有兩個右彎估佢唔到有啲急，但又完全無提示。如果唔熟路又或者揸大車嘅朋友，喺呢兩個地方都一定俾佢玩死。
（實試青沙四之四）
記者、攝影：丹尼斯
接回呈祥道嘅天橋有兩個右彎，緊記要用低速駛入。