Net人搭公共交通工具，最怕乘客衝鋒陷陣趕車，網友「陸天~」則唔怕人趕，最怕遇到女乘客在車廂極速化妝，說起不快經歷仍氣憤難下，「黐線㗎，啲人真係唔怕醜㗎喎，搭車嗰時係咁喺度化妝，啲粉又周圍飛，啲味又難聞，呢啲女仔真係好唔尊重人哋，頭先搭車個女仔坐喺我隔籬，佢啲粉底飛到周圍都係，到底佢化佢自己個妝定化埋我，迫住食佢啲粉，我又唔好意思特登彈開啲，搞到硬食。」
建議罰款10萬
其他網友紛紛勸樓主看開些，搞笑的「owl88888」回帖：「唔化咪仲驚！」；「arthur1133」幽默建議：「車廂嚴禁化妝，罰款$100,000」；「takayaxzero」則為女乘客抱不平：「人哋趕時間嘛！你估佢想㗎……係人都想喺屋企化啦！」Net人最佩服搭巴士塗唇膏或者畫眼線的女士，少一點定力，後果嚴重。
http://www.uwants.com/viewthread.php?tid=5994624&extra=page%3D6