細細個食大菜糕，覺得淡而無味，但怪師傅話原來做大菜糕都有學問，首先大菜跟水的比例為1:70；配上各式時令雜果；之後加上整道甜品的靈魂——香檳，淡淡的酒香和氣泡，跟爽口的大菜粒可算是最佳拍檔。
記者：林佩婷
攝影：梁細權
示範：怪師傅
香檳胚芽雜果大菜粒
3hr00min
份量：4人
大菜最好先浸半日待軟。大菜水煮滾後，即直接將蛋冲入碗內攪勻，切勿將蛋放入煲內煮，以免雪凍後蛋花變黑。至於胚芽，就可以在日式超市買到，無的話用粟米片來代替。
材料
大菜絲10克（浸軟）、糖10湯匙、水700毫升、蛋1隻、新鮮雜果適量、胚芽適量、香檳1支
做法
1.大菜與水煮溶後加糖拌勻，最後加入蛋，拌勻後倒入盤中雪凍。
2.取出大菜糕切粒，置於杯內，加上雜果，食用前倒入香檳及灑上胚芽即可。
黃小姐問：大菜絲大約浸幾耐先好？
答：大菜絲最好浸大約六個鐘或以上，如果浸得幾個字便好難煮溶。
張太問：唔用香檳來做這甜品得唔得？
答：如果想用酒精飲品來做，可以改JollyShandy，或者小朋友開Party用的話，可以改用七喜汽水。
火腿雞茸扒菜仔
0hr15min
份量：4人
金華火腿在切碎前，先用薑葱及酒蒸約一小時，凍後再切碎便可去除異味。
材料
金華火腿碎約半両、雞柳2條、白菜仔10両、油少許
雞柳調味：水300毫升、鹽1/8茶匙、糖1/8茶匙、胡椒粉少許
白菜仔調味：蒜茸1茶匙、水1/2杯、紹酒2茶匙、鹽1/8茶匙、糖1/8茶匙
做法
1.白菜仔洗淨後，大火燒熱油鑊，爆香蒜茸，加白菜仔，隨即加入水略炒，加蓋煮半分鐘。開蓋加入其餘調味，再炒至熟後隔水上碟待用。
2.雞柳與水下攪拌機後攪成雞茸，開中火下雞茸略煮後下調味，再加上適量生粉水，然後放於白菜仔上，灑上適量火腿茸即成。
李小姐問：平時見到啲白菜分厚身同薄身，到底有咩分別？
答：矮腳厚身的係由北京來，叫做鶴斗（左）；至於幼身的叫馬尾白菜（右）。想菜味濃些的可選鶴斗菜，如果想小朋友較易入口的就選馬尾菜啦！
高鈣三黃煮滑肉
0hr30min
份量：4人
三黃即指大豆芽、豆卜及硬豆腐，豆類含有豐富鈣質，最啱小朋友食。
材料
大豆芽1/2両、豆卜4粒、硬豆腐1/2磚、豬柳肉3両
三黃汁料：水300毫升、鹽適量、胡椒粉適量
豬柳醃料：水/生粉各1茶匙、鹽1/8茶匙、糖1/8茶匙、胡椒粉少許
做法
1.豬柳肉切片後醃約10分鐘待用。
2.開細火下大豆芽、豆腐、豆卜及水，細火煮約20分鐘，大約收亁至一半水份後開大火，下豬柳肉至熟透，最後下胡椒粉及鹽調味即可。
陳小姐問：炒菜既話用豬嘅邊部份好啲？
答：用豬柳來炒就最滑同最腍。
Susan問：炒芽菜點先可以上碟後唔出水？
答：要留意水同油要夠熱先炒，或者打個薄芡再上碟。
金銀魚香蒸鮮魷
0hr20min
份量：4人
有時煎完鮮魷會發現縮晒水，怪師傅話只要整齊地在鮮魷片上𠝹花，蒸出來後反而會顯得大件一點。
材料
鮮魷1隻
調味：銀魚亁1/2両、梅香鹹魚1湯匙、炸香蒜茸2湯匙、生蒜茸1/2茶匙、生抽1茶匙、糖1/2茶匙、胡椒粉少許、麻油少許、生粉1茶匙、水3湯匙
做法
1.鮮魷洗淨後切件隔走多餘水份後置於碟中。
2.將鹹魚起骨後切碎下鑊略炒與調味拌勻，將調味淋在鮮魷上蒸8至10分鐘。
3.蒸好後將多餘水倒出，再淋回鮮魷上即成。
郭小姐問：銀魚亁有無分咩種類架？
答：買上海嘅丁香魚（左），比較細條，但入口就滑啲；銀魚亁（右）較硬，較大條，但就較嚡口。
郭小姐問：鹹魚買邊隻好？
答：想方便就買油浸鹹魚，呢類罐頭通常已切開來浸，較易起骨。
怪師傅
烹飪工作坊負責人怪師傅（ http://www.masterwhy.com/）
從事飲食業三十五年，由於做事方式及性格古怪，故被人叫做怪師傅。最拿手煮山東豬扒及黃金蝦。
網上重溫
http://cooking.appledaily.com