世界第三大郵輪處女星號噚日停泊喺海運碼頭，一眾藝人如林子祥、肥媽同埋蘇志威都有被邀請上郵輪出席午宴。肥媽到場係咁捉住同樣係唱得之人嘅林子祥，雞啄唔斷係咁傾。另外，大會表示活動有徐小鳳、鄭秀文等到場，可惜活動開始咗兩個鐘都唔見人，事後向鄭秀文經理人郭啓華查問，佢話從來冇聽過有呢個活動。