【本報訊】打工仔面對最荒謬的事莫過於僱主去如黃鶴，工作地點頒禁制令，仍要繼續工作。位於中環的日式食店N2，員工被僱主拖欠薪金六日，看着執達主任封舖，僱主取去所有現金及物資，仍不敢離開工作崗位，以免被指曠工；全體員工合共被拖欠近20萬薪金，大廚更被供應商追數。有工會代表指，無良僱主道高一尺、魔高一丈，視破欠基金為提款機。
求助勞工處不獲受理
N2位於中環德輔道中88號地下二號舖，員工指東主吳家良精心部署整個拖糧計劃，去年11月先辭退一批舊員工，再聘新員工避過強積金供款。今年1月，又炒掉負責埋數的餐廳主任，此後每晚收巿後把所有現金提走。
2月底，員工不獲發薪；至3月7日，因東主拖租被法庭頒禁制令，員工下午向勞工處求助，但處方指未過七日寬限期而不受理，員工回到店舖後仍要繼續開工，「老闆未正式通知，惟有繼續開門做生意，如果唔係佢可以突然第六日返嚟，當我哋離職就乜都冇。」
此後兩晚，有自稱東主的男子，多次出入已頒禁制令的舖位取走物資，雖然發薪寬限期亦已屆滿，但因勞工處休假，員工無奈繼續工作，直至水、電、煤氣被截斷。
「我哋一路開工，一路見住人搬嘢，唔開工當係我哋問題。」入行14年的阿伙，是N2大廚，過去經歷過六、七次不同東主走數，他慨嘆：「𠵱家做廚一隻腳喺廚房，一隻腳喺勞工處。」
破欠基金淪為提款機
工聯會權益委員會主任葉偉明指，該東主已有前科，勞工處不應等七日寬限期，要即時處理投訴，「佢哋走咗，咪等破欠基金幫佢哋出糧囉，呢啲都係納稅人嘅錢，唔應該淪為無良僱主嘅自動提款機。」
勞工處承認接過該店員工求助，又指只要有理由懷疑僱主不發薪，即毋須理會七日發薪寬限期。