剛剛榮升父親的郭晉安，由他主演的無綫新劇《古靈精探》收視很好，對他來說可謂喜上加喜，打算慶功和滿月一起舉行，還因為囝囝腳頭好，他笑謂要將囝囝改名做「郭勁收」，認真搞笑！
無綫新劇《古靈精探》收視節節上升，上周最高收視達38點（約239萬觀眾），演員郭晉安、郭羨妮、郭政鴻、馬國明、黃長興、胡定欣和朱慧敏原本打算昨日水槍混戰宣傳劇集，眾演員還準備了泳衣，可是由於天氣轉凉，下着毛毛雨，監製張亁文怕演員染病，故臨時取消水戰，改以玩遊戲代替。
郭晉安表示知道水戰取消後感到失望，他說：「我仲準備好成個沙灘look，唉！今次取消，等下次收視再升一次過，咁就滿月加慶功一齊搞。《古靈精探》收視好，大結局時仲會播一個加長版，另外又拍多咗個大結局，等觀眾選擇。」
談到新劇收視好，安仔笑言要改名做阿旺，囝囝就叫「勁收」，他手舞足蹈說：「我個仔好鍾意聽到我把聲，聽到我把聲先會食奶，所以我叫太太播《古靈精探》先餵佢食奶，但佢聽我講對白就有反應，唱歌就冇反應，我諗佢覺得我講對白好過唱歌。」有指香港的小朋友大多睡眠不足，安仔說：「唔怕，我個仔好瞓得，一日瞓好多個鐘。」
郭羨妮封力神
雖然水戰取消，大會安排演員玩嘴對嘴傳啤牌，又互抱轉圈鬥多，只得110磅的郭羨妮抱起郭晉安轉了幾個圈，被笑是「力神」，她說：「之前學跳舞學咗呢招，我覺得安仔仲重過吳家樂。」
採訪：楊潔雯
攝影：仇志德
