陳法拉和李亞男昨日應邀到太古廣場演繹鑽飾，低胸上陣的李亞男吹長笛演繹兩套總值700多萬元的鑽飾，陳法拉則換上兩套黑色晚裝演繹四套鑽飾，其中一套達4,700多萬元，贏盡風頭。
陳法拉直言從未佩戴如此昂貴的首飾，令她有點壓力：「自己有買過鑽飾，過百萬就未買過，有錢想買樓先，不過買鑽石意義重大，可以投資又可以保值。」法拉又表示現時已儲夠首期，但未有時間覓新居。
李亞男怕仆甩石
李亞男昨日行騷時不慎踩到裙尾險仆倒，她事後說：「我都驚仆嗰陣整唔見啲碎石，真係賠唔起。」
至於與陳法拉一同演出但待遇有別，李亞男說：「唔介意，大家工作性質唔同，我主要係表演嘉賓，負責吹笛，法拉係以模特兒身份演繹珠寶，佢笑容好甜美，希望我下次都有機會騷多啲珠寶畀大家睇。」
採訪：卓寶花
攝影：陳志嵐