夏天就嚟到，小妹當然好想快啲瘦腿、減pat着短裙，坐喺我隔籬胸肌好發達嘅同事阿翁建議，不如一齊入fitnessclub做運動減肥兼健胸，佢仲話順便可以show吓佢紋喺心口嘅玫瑰花紋身。小妹急不及待同佢一齊入咗舒適堡健身中心，二人同行價，平好多嘛﹗
不過當我哋簽約之後，先睇到會員須知寫明顧客唔可以紋身，否則會被中止會籍，阿翁都畀晒錢，咁點算呢？小妹惟有打去舒適堡問吓佢入唔入得去做運動，舒適堡職員話，只要佢嘅紋身唔係好大，入場之後遮住佢就可以。
咁如果唔遮會點？舒適堡職員就話，如果故意唔遮，可以向有關顧客發警告信，但唔使罰錢，一般都唔會中止會籍嘅。
至於其他fitnessclub，好似CaliforniaFitness、FitnessFirst健身中心都話紋身都無所謂。
逢周一至周四刊出