經歷過股市大調整，散戶心態唔同晒，以前以為唔會跌咁甘嘅股，家陣坐晒艇。若然俾你見到股市有小回春，坐艇股忽然變平手，你會見過鬼怕黑，即刻放晒？定係見回得到平手，就希望重燃，望隻股漲多啲啲執少少？
網友oichu78做咗個網上調查，睇吓踏入3月份後，散戶見坐艇股平手嘅話會點做？結果67個投票人中，有28個人（42%）話「一定即放，執番身彩已好好運」，亦有兩成二人話「唔等平手啦，輸少少或蝕手續費都願。」
要賺盡等翻一倍
吸取咗教訓學乖咗嘅散戶似乎唔多，只有兩個投票嘅網友話「學精啲，下次蝕10%一定要即刻止蝕。」
不過都有18%嘅敢死隊話：「梗係唔放，要賺盡佢，起碼要翻多一倍。」甚至有7%冇有怕話，下次仲要買大啲。