何韻詩個人回歸精品店昨日在銅鑼灣開幕，好友鄭秀文（Sammi）現身撐場，有指Sammi寧出席阿詩新店開張也不到公司春茗，她笑言阿詩是用誠意打動，而且自己是「怪婆婆」一名，已習慣每年春茗都不會出現。
何韻詩昨日推出新曲加精選唱片「GooMusicCollection04/08」，首日定單數量不俗，為配合宣傳，她由昨日起一連7天會在銅鑼灣世貿中心設個人回顧精品店「hall1Cshop」，售賣精品及限量產品，昨日舉行開張剪綵，其父母及哥哥都有出現，圈中好友如鄭秀文、劉浩龍、徐濠縈及at17齊來撐場，徐濠縈遲到近30分鐘，要大家等她剪綵。
春茗嫌人多
阿詩透露甫開張即有近300人排隊，有男歌迷更早於8時就到場等候，人數比她預算多兩倍，擔心供貨量不足，但不擔心現炒風，阿詩說：「有啲貨唔敢預太鬆，怕去唔到，限量貨品就每人只買一件，炒極都只係一件。今次做完之後都覺得自己有生意頭腦，可以鋪定後路，不過我所有嘢都係一手一腳包辦，一人仲要分做200個角色。」
被指寧願出席阿詩新店開張也不出現公司春茗的Sammi，甫與阿詩碰面即互相擁抱，並與阿詩的父母有傾有講，表現風騷的Sammi說：「我係怪婆婆，春茗咁多人，多一個唔多，呢啲係阿詩用誠意打動，意義重大，而且我慣咗年年春茗都冇去。」
巡迴飛到癲
Sammi表示與阿詩的友情自梅艷芳逝世後更親密，至於會否上契，她笑說：「唔好搞呢啲，佢做阿媽，我做女囉，自己都好開心東亞歌手都係friend底，大家團結互相幫助。」日前阿詩以「得閒修女」來形容Sammi，她昨日即還擊表示這兩個多月忙於做巡迴演唱會，她說：「我成日坐飛機多過車，飛到癲，前日先喺新西蘭返，不過就算幾唔得閒都要嚟，大家咁friend，佢仲要鬧人。」
採訪：駱華齡 攝影：陳慧安